भोक
समयको लामो अन्तरालदेखी
लडिदै आएकोको एक अविजित लडाई
जो लम्बिने छ अझै पनि
अस्तित्वको आखिरी दिन सम्म
पग्लने छ सिद्धानतको सगरमाथा
फुङ्ग उडनेछ 'वाद'हरूको रातो रङ्ग
र ढल्ने त सिमानाको वर्लिन पर्खाल
भोक,
जसले सभ्यताको सुरुवात गर्यो
विकासक्रमलाई आधुनिकता दियो
बजारलाई ब्यापार दियो, ग्राहक दियो
सरकरलाई रजनितिक नारा दियो
गरिबलाई खालिपेट कैफियतमा दियो
र, भोक सधै “भोक हठताल” गरिरह्यो ।
हातले मुख नजोडेको धेरै भयो
पेट अन्तहिन प्रतिक्षामा थाक्यो
आन्द्राहरु मरिजझै चाउरिसके
यस्तो अवस्थामा हजुर पनि
गरिबमाथि मजाक गर्नुहुन्छ
चौरासि व्याञ्नले भरिएको थालि
अघि राखेर ल खा ! भन्नु हुन्छ
भो लैजानुहोस् यी परिकारहरु
अब पेट भोको छैन किनकी
यी आँखाहरु हेरेरै अघाईसके ।।।
